Portugalski stručnjak Nuno Espirito Santo nije više menadžer Totenhema koji napušta poslije samo četiri mjeseca boravka na klupi Pjevaca.
“Kap koja je prelila čašu” bio je subotnji poraz od Mančester junajteda kod kuće rezultatom 3:0, uz napomenu da je Totenhem u 10 kola zabilježio pet pobjeda i isto toliko poraza. Zanimljivo, sezonu su krenuli sa 3-0 i bez primljenog gola, a onda su stali.
“Znam koliko su Nuno i njegov stručni štab želeli da uspiju i žalim što smo morali da donesemo ovakvu odluku. Nuno je pravi džentlmen i uvijek će biti dobrodošao ovdje. Hvala im na svemu i želimo mu puno sreće u budućnosti”, rekao je direktor Totenhema Fabio Paratići.
Još nije poznato ko će naslijediti Portugalca, ali trenutno najviše šansi za to ima italijanski stručnjak Antonio Konte koji je bio i prvi pik za mjesto menadžera Junajteda. Podsjetimo, Italijan je vodio Čelsi s kojim je osvojio titulu.
RSS